OMG! Naira Marley Don Talk Wetin Naija Police Dem Be To Am

 

Ogbonge Naija singer wey be Naira Marley don react to im arrest and court appearance wey happun for Abuja mobile court for violating di COVID-19 safety order afta wey im attend a concert in Abuja.

WAAWU! NAIRA MARLEY- AS E DEY GO

Make we no forget say Naira Marley bin fly to Abuja on 13th June with im crew for a concert at Jabi Lake Mall. And, also make we no forget say on August 7 Abuja mobile court slam am N200,000 fine on di singer for say violating di presidential task force guideline on Covid-19.

Di prosecuting team bin drag di singer to court on a four-count charge. As e dey go, di presiding magistrate wey be Idiyat Akanni bin order Naira Marley to pay N50,000 on each of four counts leveled against.

Dem also mandate Naira Marley to apologize to di federal gofment of Naija for a national daily newspaper of im choice. 

Naira Marley don go im twitter page to take react on im arrest and court appearance.

Im bin write: ''Police nah my friend and police 5&6''

Abeg make una see im post below:

NAIJA POLICE DON ARRAIGN NAIRA MARLEY FOR COURT

 Naira Marley don dey dragged to obodo Lagos state special offence court wey dey Ikeja.

Make we no forget say di singer bin leave Lagos for a concert on Saturday wey be July 13, 2020, for Abuja.

Di concert wey bin held at Jabi Lake mall cause plenti talk talk. Afta di mata shele, di gofment bin shut down di mall and even stop di operation of di airline wey fly di singer go Abuja.

Di talk pesin of lagos police wey be Bala Elkana on Thursday tell dem newsmen for Lagos say di police don file charges against Naira Marley for say im violate di COVID-19 order wey bin ban interstate travels wey di gofment put in place to fight di spread of coronavirus.

Im bin said: ''Naira Marley bin presented imsef at command headquarters on Thursday. We dey court as we dey speak, im go dey arraigned for violating di interstate travel order wey be di aspect wey concern Lagos state.

Make we no forget say for April dis year, Naira Marley still enta kasala for say im break Covid-19 lockdown rules when im party for actress Funke Akindele house.

But di Attorney General and Commissioner for Justice, Moyo Onigbanjo SAN, file motion to withdraw di case against im and two others wey bin attend di party.

Di court sentence Funke Akindele and her husband, Abdul Rasheed Bello to 14 days community service, 14 days isolation plus fine of 100,000 naira.

NAIRA MARLEY DON APPEAR BEFORE ABUJA MOBILE COURT

Azeez Fashola wey pipo dey call Naira Marley don appear before one Abuja mobile court for sake say im bin break COVID-19 rules.

Di Federal capital territory bin file a four-count charge against am because say im host concert for Jabi Lake mall wey dey Abuja for clear violation of di COVID-19 directives on June 13 wey make am break di presidential ban on di interstate and public gathering.

Naira Marley bin plead guilty to di charges and di presiding magistrate wey be Idiyat Akanni bin handed down N200, 000 fine.

COURT DON GRANT NAIRA MARLEY N2 MILLION BAIL

Federal High court for Lagos south west Naija don grant singer Azeez Fashola wey pipo dey call Naira Marley bail in di sum of two million naira afta dem gbab am ontop cyber fraud crime.

Dis wan nah afta di Economic and Financial Crimes Commission (EFCC) gbab di musician ontop accuse say im get hand for credit and internet fraud mata, Di singer bin don plead not guilty to di 11-count charge EFCC bin nack for im head.

On May 20 2019, di Federal High Court for Lagos bin rule say make di singer remain for prison till dem hear im bail application on May 30.

Di judge for im ruling today say Naira Marley must provide two sureties, one civil servant and another wey get landed property for Lagos.

Earlier today, di singer release new song from prison, 'Why' wey drop for midnight after di announcement from im management for Facebook.

For di song, di singer talk about friends wey don forget am as well as relationships and even get slight mention of yahoo for the line - "Yahoo boy ni babalawo."

Post a Comment

Previous Post Next Post